Col 4 | PONPDN | STEP | KOMAIL saumas akan, pwain on omail ladu kan me pun o me mau, pwe komail asa, me pil omail Saumas kotikot nanlan.

Colossians 4

1 KOMAIL saumas akan, pwain on omail ladu kan me pun o me mau, pwe komail asa, me pil omail Saumas kotikot nanlan. 2 Podidi on kapakap o masamasan o danke. 3 O pil kapakapa kin kit, pwe Kot en kotin ritinidan kit wanim on masan eu, en kaweweda en Kristus a me rir kot, me nai sali kidier, 4 Pwe i en kaparoki duen me pun. 5 Kekeid lelapok wei mon men liki kan, kadokedoke ansau mau. 6 Omail kasoi en wiaui ni mak o doleki sol ansau karos, pwe komail en asada, duen me komail pun sapenki amen amen. 7 Ri atail kompok Tikikus o pupa lelapok o ladu en Kaun amen pan kaire kin komail ir ai karos. 8 Pwe i me i kadar won komail er, pwen asa ir omail, o kamait monion omail, 9 Onesimus pil ian i, i ri atail lelapok kompok amen, me kis omail. Ira pan kaire kin komail karos, me wiauier met. 10 Aristarkus, me ian ia salidi, kin ranamau won komail, o Markus nain ri en Parnapas pwe komail ale er kusoned akan duen i; a lao pwara won komail, komail kasamo i; 11 O Iesus, me ad a Iust, me kisan sirkomsais. Irail eta ai warok en dodok ni wein Kot; ira me kamait pa i. 12 Epapras, me kis omail, o me ladun Kristus Iesus amen, kin ranamau won komail, a nidinide sauasa komail ni a kapakap akan kaukaule, pwe komail en dadau rata o unsokila o direki kupur en Kot. 13 Nai me kadede i, me a porisok melel ni a apapwali komail o irail nan Laodisea o lrapolis. 14 En saunwini Lukas kompok oDemas ara ranamau won komail. 15 Ranamau won ri atail akan en Laodisea o Nimpas o momodisou nan im a. 16 A kis in likau kis et lao wadawader re omail, komail kanaion, pwen pil wadawad ren momodisou en Laodisea, o komail pil pan wadok, me i kadaralan Laodisea. 17 Komail indai on Arkipus: Kanekanai on dodok, me koe aleer san ren Kaun o, pwe koe en kapwaiada. 18 let nai Paulus intinki pa i ai ranamau. Tamatamanda ai salidi. Mak en mimieta re omail!